कामप्रजाळण नाच करे I कवि दुला भाई काग कृत

 कामप्रजाळण नाच करे : रचना :- कवि दुला भाई काग कृत

(छंद - दुर्मिला) 

परमेश्वर मोद धरी पशुपाळण,कामप्रजाळण नाच करे,

भभके गण भूत भयंकर भुतळ, नाथ अधंखर ते नखते,

भणके तळ अंबर बाधाय भंखर , गाजत जंगर पांह गते ;

डमरुय डडंकर बाह जटंकर , शंकर ते कईलास सरे,

परमेश्वर मोद धरी पशुपाळण,कामप्रजाळण नाच करे, (1)

हडडं खडडं ब्रह्मांड हले, दडडं दडदा कर डाक बजे,

जळळं दंग ज्वाल कराल जरे , सचरं थडडं गण साज सजे ;

कडके धरणी कडडं , हडडं मुख नाथ ग्रजंत हरे ,

परमेश्वर मोद धरी पशुपाळण,कामप्रजाळण नाच करे,(2)

हदताळ मृदंग हुहूकट,हाकट धाकट धीकट नाद धरं,

द्रहद्राह दिदीकट वीकट दोक्ट,कट्ट फरंगट फेर फरं ;

धधडे नग धोम धधा कर धीकट,धेंकट घोर कृताळ धरे,

परमेश्वर मोद धरी पशुपाळण,कामप्रजाळण नाच करे,(3)

नट तांडवरो भट देव घटां नट उलट गूलट धार अजं,

चहँ थाक दुदूवट दूवट खेंखट,गेंगट भू कईलास ग्रजं ;

तत तान त्रिपुरारि त्रेकट त्रुकट, भूलट धुहर ठेक भरे,

परमेश्वर मोद धरी पशुपाळण,कामप्रजाळण नाच करे,(4)

सहणाई छेंछ अपार छटा,चहुथ नगारांय चोब रडे,

करताल थपाट झपाट कटाकट, ढोल धमाकट मेर धडे ;

उमया संग नाट गणं सरवेश्वर,ईश्वर 'थईततां,' उचरे,

परमेश्वर मोद धरी पशुपाळण,कामप्रजाळण नाच करे,(5)

पहरी गंगधार भेंकार भुजंगाय , भार अढारिंय वृक्ष भजे,

गडताळ अपार उठे पडघा,गढ सागर त्रीण ब्रह्मांड ग्रजे,

हदभार पगांय हिमाचळ हालत,हालत नृत्य हजार हरे ,

परमेश्वर मोद धरी पशुपाळण,कामप्रजाळण नाच करे,(6)

बह अंग परां धर खाख अडंबर डंबर सुर नभं दवळा,

डहके डहकं डहकं डमरु बह,डूहक डूहक थे बनळा ;

हदपाळ कराळ विताळरी हाकल, पाव उपाडत ताळ परे,

परमेश्वर मोद धरी पशुपाळण,कामप्रजाळण नाच करे,(7)

ब्रह्मादिक देख सतं भ्रमना भर,सुर तेत्रीशांय पाव सबे,

खडडं कर हास्य ब्रह्मांड खडेडत,अंग उमा अरधंग अबे ;

जग जावण आवण जोर नचावण, आवत काग तणे उपरे,

परमेश्वर मोद धरी पशुपाळण,कामप्रजाळण नाच करे,(8)

रचियता :- दुला भाया काग

टाईप :- मनुदान गढवी

वंदे सोनल मातरम्